நான்கு சுவரின்
இடையே
இருவர் மட்டும்!

ஒரு மூலையில்
சாய்ந்தபடி அவள்

இரு அடி தூரத்தில்
அந்நிய‌னாய் நான்

அ‌‌னைத்தும்
அவ‌ள் பார்வையில்
என் க‌ண்க‌ள் த‌விர‌

முடிவில்லா
மெள‌ன‌ம்

முடிவில்லா
பயணம்

எதை கொண்டு
க‌லைக்க‌லாம்?

கூடுத‌ல் வ‌ண்ண‌ம்
க‌ண் இமையில்

கூடுத‌‌ல் அழ‌கு - அவ‌ள்
க‌ன்னி ம‌யில்

இயற்கையா? செய‌ற்கையா?
பெண் கூந்த‌ல் ப‌ற்றிய‌
அதே 'மண' குழ‌ப்ப‌ம்!

துப்பட்டாவின்
நூல் நுனியில்
சிறைப்பிடித்திருந்தாள்
அவள் கை விரலினை

தெரிந்திருந்தால்
நிச்ச‌ய‌ம்
செய்திருக்கும்
அதே த‌வ‌றினை
என் விர‌ல்க‌ளும்

மெல்ல‌
சாய்ந்தேன்
அதே சுவரில்

இரண்டடி இடைவெளி
இன்னும் குறையாமல்

இன்னமும் காத்திருந்தேன்
அவ‌ள் முத‌ல் பார்வைக்காக‌!

மிதந்து செல்வது போல்
தொடர்ந்த சிலிர்ப்பு
தடாலென தரையிற‌ங்கியது

இரண்டாய்
பிளந்தது
எதிர் சுவர் !